Mo Twister tinawag ang sagot ni Venus Raj na PALPAK!

Mo Twister tinawag ang sagot ni Venus Raj na PALPAK!
By Nhoie Gee:



Kaninang hapon sa Paparazzi ng TV5 ay nagbigay ng mga opinion ang mga host ng programang ito sa ibat ibang issue sa nakalipas na linggo sa unang bahagi ng kanilang programa. Unang una nilang napag usapan sa unang issue na nakalagay sa First Frame ang tungkol sa pagkapasok at pagkapanalo ni Maria Venus Raj sa Miss Universe 2010 bilang 4th runner up at ang pagpanaw ng matalik na kaibigan ni Venus na si 2009 Bb. Pilipinas International Melody Gersbach na lubos na dinamdam ng beauty queen.

Napag tuunan ng pansin ng mga Host ang "Major Major" na sagot ni Venus sa kanyang final question interview sa Miss universe 2010.

"What is one big mistake that you have made in your life and what did you do to make it right?”

Ito ang itanong sa kanya ng Hollywood actor na si William Baldwin sa final question and answer portion ng beauty pageant.


At ito naman ang kontrobersyal na sagot ni Venus Raj sa katanungan na iyon.

“Thank you so much sir for that wonderful question. Good evening ladies and gentlemen. Good evening Las Vegas! You know what sir in my 22 years of existence I can say there is nothing major major, I mean problem that I have done in my life because I am very confident with my family with the love that they are giving to me. So thank you so much that I am here!”



Nang nagbigay na ng komento ang nasabing mga host ng programa ay agad na nasabi ni Mo Twister ang katagang "Palpak" ang sagot ng beauty queen at hindi naaayon para sa katanungan ng Hollywood star na si Baldwin.

Agad naman ipinagtanggol ng isa pang host ng programa na si Ruffa Guttierez ang kapwa nya beauty queen na si Raj.

"Sa totoo lang. Walang tama or maling sagot para sa tanong na yun. Based kasi sa past experiences mo ang magiging sagot", pagtatanggol ni Gutierrez.

Masasabi ko na tama ang sinabi ni Ruffa. Walang mali at walang tamang sagot sa katanungan na ito. Maaari nating sabihin na kinabahan nga si Venus ng maitanong sa kanya ang tanong na iyon ngunit sinabi nya lang ang totoong nararamdaman nya at sinagot ang tanong ng tapat at derecho. Pero hindi natin masasabing "PALPAK" ito tulad ng nabanggit ng host na si Mo Twister.

Pagkauwi ng bansa ni Venus galing Las Vegas ay paulit ulit na itananong sa kanya kung maaari bang mabago na ang kanyang sagot matapos nyang mapag isipan ang tamang sagot sa katanungan na iyon. At ayos kay Venus ay ganun parin ang kanyang isasagot dahil wala talaga syang "Major" na pagkakamali sa buhay.

Naitanong din sa kanya kung bakit na doble nya ang salitang "Major" ng sagutin nya ang tanong ni Baldwin.

Ang sabi ng beauty queen ay aminado sya na kapag nasa stage na sya ay hindi nya na alam ang kanyang mga sinasabi at nasabi nya na iyon ay isa sa kanyang kahinaan.

Para sa akin, sapat at sobra pa ang ibinigay ni Venus para sa karangalan ng ating bansa. Matapos ang sampung taon ay ngayon nalang ulit nakapasok sa semi finals at sa finals ang ating bansa sa Miss Universe mula ng manalo si Miriam Quiambao bilang 1st Runner up noong 1999 sa pageant na ito sa Trinidad and Tobago.


Kaya Maria Venus Raj, MABUHAY KA!